78

اعتکاف

ڈاکٹر سید افضل حسین قاسمی

گوشہء مسجد میں بیٹھو بس یہی ہے اعتکاف
پھر گناہوں کا کرو اپنی زباں سے اعتراف

آخری دس دن مبارک ماہ کے لے لیجئے
بیس کی مغرب سے مسجد میں بسیرا کیجئے

کھانا پینا اور سونا بس اسی مسجد میں ہو
جو ہیں احکامِ رسول پاک بس ان پر چلو

اہلِ مسجد یا محلے والے کھانا بھیج دیں
پھر نہیں لازم کہ اہلِ خانہ بھی روٹی گڑھیں

گر نہیں کھانے کاکوئی نظم مسجد میں تو جان
اپنےگھر سے لاکےکھاناکھانے کی تُودل میں ٹھان

خارجِ مسجد نہیں جانا ضروت کے سوا
داخلِ مسجد ہی رہ جانا کہ جیسے ہو گدا

امردوں کے واسطے زیبا نہیں ہے اعتکاف
باعثِ فتنہ ہے یہ ، کر دیجئے مجھ کو مُعاف

عورتیں مسجدنہ جائیں گھرمیں بیٹھیں چین سے
ان کے جانے سے ہے فتنہ، منہ سے ہو یا نین سے

وقت مسجد میں گزاریں حمد اور تسبیح میں
گر نہ ہو بجلی تو بیٹھیں پیشِ کھڑکی ریح میں

وقت گزرے آپ کا پڑھتے کلام اللہ کو
اپنا گھر سمجھیں نہ ہرگز آپ بیت اللہ کو

تھی اگر منت تو پھر واجب ہوا یہ اعتکاف
ویسے ہے فرضِ کفایہ بات بالکل صاف صاف

دیکھتے ہی چاند آجانا ہے مسجد سے بروں
ورنہ رہ جانا ہے مسجد میں، نہیں جانا کہوں

قاسمی کو یاد رکھ لیجیے دعاؤں میں جناب
معتکف احباب ، عالی مرتبت عزت مآب

…………………………………………………………….
ڈاکٹر قاسمی.
نورنگ دوا خانہ ،بنگلور.
9448344458 ،7090026003 ،08025478397

کیٹاگری میں : نظم

اس خبر پر اپنی رائے کا اظہار کریں

اپنا تبصرہ بھیجیں